Sistemi i Kupës

Çiftet e Kupës

Ndeshjet e kupës luhen gjithmonë në mesin e javës. Raundi i parë i Kupës Kombëtare dhe Kupës Divizionale gjithmonë zhvillohet disa ditë përpara ndeshjes tuaj të parë të sezonit në ligë. Kupat e Sfidave përbëhen nga ekipe që janë eliminuar nga Kupa Kombëtare ose Kupa Divizionale, dhe për këtë arsye Kupa e parë e Sfidës fillon një javë pas Kupës Kombëtare dhe Kupës Divizionale. Ka Kupa të veçanta Sfidash që korrespondojnë me Kupën Kombëtar dhe me Kupën Divizionale. Kundërshtari juaj i parë i kupës dhe kupa ku do të luani shpallet një javë përpara. Në raundet e ardhshme kundërshtari juaj i ardhshëm dhe kupa ku luani aktualisht do të shpallen menjëherë pasi të kenë përfunduar të gjitha ndeshjet për raundin aktual të kupës.

Vendet ku luhet kupa

Në thelb, skuadra më e fortë që përfaqësohet ende në kupë luan jashtë kundër skuadrës më të dobët që përfaqësohet ende në kupë. Për këtë qëllim përdoret renditja e kupës që shpjegohet më poshtë.

Në gjashtë qarqet e fundit të kupës, renditja nuk ndikon më në përparsin vendase pasi që të gjitha ndeshjet luhen në vende asnjëanëse.

Shorti i kupës

Si përcaktohet kundërshtari juaj në kupë?

Në qarkun e parë të kupës, skuadrat e renditura si më të larta do të luajë gjithmonë jashtë vendit kundër skuadrave me renditje më ulët në kupë.


Përpara se të fillojë qarku i parë, hidhet shorti për qarkun e dytë. Për këtë short, hamendësohet që të gjitha skuadrat të renditura si më të larta të kalojnë qarkun e parë.

Nëse një skuadër me renditje më të ulët fiton në qarkun e parë, ai do të trashëgojë vendin e kundërshtarit të tij në qarkun e dytë. Kjo mund t'i japë atij një kundërshtar më të lehtë sesa do ta kishte patur në atë qark.
Megjithatë, kjo përparsi nuk zgjat. Para fillimit të qarkut të dytë, hidhet shorti për qarkun e tretë. Përsëri, të gjitha skuadrat e mbetura të renditura si më të mira do të vendosen kundër skuadrave të mbetura nga renditjet më të ulta.

Përparsia i kësaj rregullore është se për çdo qark të kupës, të gjitha skuadrat e mbetura do të dinë se çfarë do të ndodh nëse kalojnë në qarkun tjetër. Gjithmonë përcaktohet një ndeshje tjetër, fituesi i së cilës do të takohet me fituesin e ndeshjes tuaj.

Këtu është një shembull se si vepron shorti i kupës në Hattrick:

1. Në qarkun e parë i kemi 16 skuadrat dhe këto janë çiftet:

Qarku i parë

Vendi në kupë16-Vendi në kupë1
Vendi në kupë15-Vendi në kupë2
Vendi në kupë14-Vendi në kupë3
Vendi në kupë13-Vendi në kupë4
Vendi në kupë12-Vendi në kupë5
Vendi në kupë11-Vendi në kupë6
Vendi në kupë10-Vendi në kupë7
Vendi në kupë9-Vendi në kupë8

Ndeshjet e pritshme në qarkun e dytë, siç u bë e ditur para fillimit të qarkut 1, janë këto:

Vendi në kupë8-Vendi në kupë1
Vendi në kupë7-Vendi në kupë2
Vendi në kupë6-Vendi në kupë3
Vendi në kupë5-Vendi në kupë4

Megjithatë, dy ndeshje përfunduan me fitore befasuese për më të dobëtit - Skuadrat 16 dhe 14 dolën si më mirë. Për shkak të kësaj, ndeshjet e tanisjme në qarkun 2 do të jenë:

Vendi në kupë8-Vendi në kupë16
Vendi në kupë7-Vendi në kupë2
Vendi në kupë6-Vendi në kupë14
Vendi në kupë5-Vendi në kupë4.

Tani, kur të kryhet shorti për qarkun 3, rregullorja përsëri hamendëson se skuadrat e renditura si më të mira do të fitojnë, duke krijuar kështu këtë short:

Vendi në kupë 8 - Vendi në kupë 2
Vendi në kupë 6 - Vendi në kupë 4

Nëse skuadra 16 fiton, do të marrë vendin e skuadrës 8.
Nëse skuadra 14 fiton, do të marrë vendin e skuadrës 6.

Renditja në kupë

Renditja e kupës përdoret për krijimin shortin të kupës. Është një renditje nga rrjedhojat që nuk ndryshojn me fillimin e kupës. Rrethana e parë për renditjen është se në çfarë divizioni luan skuadra gjatë sezonit të tanishëm. Më pas, skuadrat renditen brenda këtyre grupeve të divizionit si më poshtë:

1. Ekipet aktive të degraduara
2. Ekipet aktive që as u ngjitën as u degraduan
3. Ekipet që u ngjitën me forcat e tyre
4. Ekipet që u ngjitën "falas" (duke zëvendësuar një bot)
5. Bot-e, në rast vendesh bosh.

Ekipet brënda secilit grup të mësipërm zgjidhen sipas renditjes që arritën në mbarim të sezonit të fundit. Kjo renditje qëndron e pandryshuar për gjithë kohëzgjatjen e kupës.

Hyrja e më vonëshme në kupën dytësore

Për kupat sfiduese dhe ngushëlluese, koha e hyrjes është gjithashtu e zbërthimit në farë. Skuadrat që hynë më herët janë të garantuara se do të vendosen më lart se ato që u bashkuan më vonë. Renditja e kupës së çdo skuadre ka ende rëndësi, por vetëm për të vendosur se në cilën renditje do të vendosen skuadrat që kanë hyrë në të njëjtën datë.

Një shembull do të ishte që skuadra juaj arrin të qëndrojë në kupën kombëtare deri në qarjun 5 ose 6 qarqe përpara se të mënjanohet. Ndërsa udhëtimi juaj i kupës vazhdon në një kupë sfiduese të shkallës më të ulët, ju do të jeni gjithmonë më të ulët se skuadrat që u bashkuan para jush. Skuadra me renditjen më të lartë nga ata që hynë në qarkun e parë do të luajë kundër skuadrës të renditur në vendet më të ulëta nga ata që kanë hyrë së fundmi.

Kupat e ndryshme dhe formatet e tyre.

Kupa më e rëndësishme në çdo ligë është Kupa Kombëtare. Kjo është e hapur për çdo ekip, që ka një menaxher, në Divizionin e 6 dhe më lart. Vetëm ekipet më të mira do të ketë një shans për të fituar Kupën Kombëtare, por çdo ekip që përparon në këtë konkurs do të shpërblehet mirë.

Megjithatë, në qoftë se ekipi juaj është eliminuar herët nga Kupa Kombëtare ju do të keni një shans të dytë. Nëse ju jeni eliminuar në një nga gjashtë raundet e para të Kupës Kombëtare, ju do të fitoni një vend në një nga tre Kupat kombëtare të Sfidave. Pjesëmarrja në Kupat e Sfidave do të vazhdojë të jetë tërheqës për ekipin tuaj, por shpërblimet janë shumë më të vogla se në Kupën Kombëtare. Nëse ju mundeni, duke qëndruar në Kupën Kombëtare gjithmonë do të paguheni.

Tre Kupat e Sfidës janë quajtur fillimisht Smerald, Rubin dhe Zafir. Kupa e Sfidës (Smerald) merr çdo ekip që është eliminuar nga Kupa Kombëtare në raundin 1 ose 6. Ekipet eliminuara në raundet 2 dhe 5 janë zhvendosur në Kupën e Sfidës (Rubin). Dhe ekipet e eliminuara në raundet 3 dhe 4 janë zhvendosur në Kupën e Sfidës (Zafir). Të tre Kupat do të zhvillohen paralelisht me njëra-tjetrën dhe me Kupën Kombëtare, dhe një fitues do të kurorëzohet në secilën prej tyre. Ju lutem mbani mend se Kupat e Sfidave mund të kenë emra të ndryshme nga ato origjinale në disa liga.

Ekipet që janë eliminuar në raundin e parë të Kupës së Sfidës (Smerald) dhe në raundin e parë të Kupës së Sfidës (Rubin) do të fitojnë një vend në Kupën e Ngushëllimit. Kjo Kupë nuk jep asnjë çmim me para, por fituesi merr një trofe.

Në ligat me më shumë se gjashtë divizione, Kupat e Divizionit organizohen për Divizionin 7 dhe më poshtë. Kupat e Divizionit ndjekin një model të ngjashëm me Kupën Kombëtare, tre Kupat e Sfidës (Smerald, Rubin dhe Zafir) dhe Kupën e Ngushëllimit. I vetmi ndryshim është se çmimi i përgjithshëm është më i ulët.

Madhësia e Kupave përcaktohet nga numri i ekipeve që janë të kualifikuar për kupën dhe që kanë menaxherë. Madhësia më e vogël e mundur e Kupës ende arrin të ketë vend për të gjitha ekipet me menaxher. Pasi të gjitha ekipet me menaxherë janë kualifikuar, kupa do të mbushet me ekipe bot për të përfunduar në fushën e lojës.

1. Shuma e ekipeve të kualifikuar që menaxhohet nga njerëzit është llogaritur.
2. Madhësia më e vogël e kupës që i përshtaten të gjitha ekipet e menaxhuara nga njerëzit është zgjedhur.
3. Kjo Kupë është e mbushur fillimisht nga ekipet e menaxhuara nga njerëz.
4.Më pas do të përdoren ekipet bot nga sistemi i ligës.
5.Nëse kjo nuk është e mjaftueshme, ekipe të reja bot do të krijohen vetëm me qëllim të Kupës.

• Ekipet që skualifikohen në raundin e parë dhe të gjashtë të Kupës Kombëtare do të kalojnë në Kupën e Sfidës (Smerald).
• Ekipet që skualifikohen në raundin e dytë dhe të pestë të Kupës Kombëtare do të kalojnë në Kupën e Sfidës (Rubin).
• Ekipet që skualifikohen në raundin e tretë dhe të katërt të Kupës Kombëtare do të kalojnë në Kupën e Sfidës (Zafir).
• Ekipet që skualifikohen në raundin e parë të Kupës së Sfidës (Smerald) dhe në raundin e parë të Kupës së Sfidës (Rubin) do të kalojnë në Kupën e Ngushëllimit.

Efektet e skuadrës

Një aspekt i rëndësishëm i Kupave është opsionet taktike që ato paraqesin. Duke qëndruar në Kupë për një kohë të gjatë, ajo ju jep ndeshje më konkurruese, të cilat gjithashtu të japin më shumë mundësi për rritjen e vetëbesimit dhe shpirtin e ekipit në përgatitje për ligë. Ndeshjet e Kupës gjithashtu u japin lojtarëve tuaj më shumë përvojë (eksperiencë), e cila së bashku me shitjet e biletave e bën këtë udhëtim në kupë më të vlefshëm. Megjithatë, jo të gjitha Kupat do të kenë ndikim në ekipin tuaj në të njëjtën mënyrë.

Kartonat dhe dëmtimet janë në fuqi të plotë në të gjitha kupat. Në qoftë se ju ndëshkoheni me një karton në kupë, kartoni është i vlefshëm për lojtarin edhe në ndeshjen e rradhës në ligë.

Shpirti i Ekipit, Vetëbesimi dhe Gjendja e Tifozëve: Vetëm ndeshjet e Kupës Kombëtare dhe Kupave të Divizioneve do të kenë një efekt mbi këto vlera. Ndeshjet e luajtura në çdo kupë tjetër sillen si një miqësore, kur është fjala për ndikimin në Shpirtin i Ekipit, Vetëbesimin dhe Gjendjen e Tifozëve.

Përvoja (Eksperienca): Kupa Kombëtare dhe Kupa e Divizioneve u jep lojtarëve në fushë sasinë e dyfishtë të eksperiencës në krahasim me një ndeshje të ligës. Ndeshjet në Kupat e Sfidave dhe Kupën e Ngushëllimit u jep lojtarëve tuaj gjysmën e eksperiences që ata do të përfitonin në një ndeshje lige.

Të ardhurat nga Kupa

Shitja e biletave është një përfitim i rëndësishëm nga një rrugëtim i suksesshëm në Kupë. Sa më shume të përparoni në çdo Kupë, aq më shumë spektatorë do të vijnë në stadium dhe kështu më shumë të ardhura do të gjenerohen. Kupa Kombëtare dhe Kupat Divizionale janë dukshëm më tërheqëse për tifozët se sfidantët korrespondues dhe Kupat e Ngushëllimit. Ndërsa një ndeshje në Kupën Kombëtare dhe Kupën Divizionale (të paktën në raundet e mëvonshme) mund të tërheqë pjesëmarrjen e ngjashme me një ndeshje të ligës, kupat e tjera janë të krahasueshme me miqësoret kur është fjala për të pranishmit. Kupa Kombëtare e Sfidës do të tërheqë tre herë më shumë spektatorë se një miqësore ndërkombëtare midis dy ekipeve. Kupa Kombëtare e Ngushëllimit do të tërheqë dy herë më shumë spektatorë se një miqësore ndërkombëtare midis dy ekipeve. Kupa Divizionale e Sfidës do të tërheqë dy herë më shumë spektatorë se një miqësore ndërkombëtare midis dy ekipeve. Kupa Divizionale e Ngushëllimit do të tërheqë 50% më shumë spektatorë se një miqësore ndërkombëtare midis dy ekipeve.

Ekipi vendas merr 67% e të ardhurave nga tifozët dhe ekipi mik merr 33%. Në gjashtë raundet e fundit ekipet ndajnë të ardhurat 50/50. Në përgjithësi, tifozët nuk janë shumë të interesuar për të parë raundet e para të kupës, por interesi i tyre do të rritet në raundet e tjera. Është gjithashtu e vërtetë se tifozët e një ekipi të një divizioni më të ulët do të duan të shohin një ndeshje kundër një ekipi të një divizioni më të lartë, por e anasjellta nuk është e vërtetë. Ekipet më të mira në kupa marrin edhe çmime në para siç tregohet në tabelën më poshtë. Nuk ka çmim të lartë për golashënuesin më të mirë të kupës.

Kupa kombëtare